2 مغارف اكل يرغل مفور و مفوح بالنعناع و الكمون – مغرفة معدنوس مقصوص جيد – مغرفة بصل مفروم – نصف مغرفة حمص طايب – كعبة سوبية صغيرة طايبة و مقصوصة – شوية هريسة – 4 اوراق كرنب (مفور).
تخلط البرغل و المعدنوس و البصل و السوبية و الحمص و الهريسة مع نصف مغرفة زيت.
تتقسم الخلطة على 4 و كل قسم يتحط في ورقة الكرنب و يتلف كيف الصوابع.
نرصفو الصوابع في معون يمشي للفرن. نحضرو صالصة طماطم فرشكة بالزيت و الرند و الحبق ونصبو الصالصة على الكرنب و يتحط في الفرن 20 دقيقة
5 ورقات لازنيا – كعبة بيثنجال مقصوصة بالطول و مفوحة بالنعناع و الكمون
و مشوية في الفرن - كعبة قرع أخضر مقصوصة بالطول و مفوحة بالنعناع و
الكمون و مشوية في الفرن – قطعة اسكلوب قد الكف مشوية في الفرن و مرحية –
3 مغارف ريقوتا – 3 مغارف جبن مرحي قليل ملح – مغرفة فرينة – نصف لتر
حليب – بيضة مخفوقة.
نحضرو صالصة بيضاء بفرينة محمرة نزيدو عليها نصف لتر حليب يغلي، نحركو حتى تخثر (نعقد) الخلطة، نزيدو البيضة المخفوقة، نحركو و نفوح بجوز الطيب (Noix de muscade)
اللي ما يحبش الصالصة البيضا ينجم يعوضها بصالصة الطماطم الفرشكة
نحطو مغرفة صالصة بيضاء في ماعون الفرن ونحطو و رقة لازنيا و فوقها البيثنجال المشوي و فوقها مغرفة جبن مرحي مخلط بشوية اسكلوب مرحية و مغرفة صالصة ، ورقة لازنيا و فوقها مغرفة و نصف ريقوتا و فوقها مغرفة صالصة، و رقة لازنيا و فوقها القرع المشوي و فوقها مغرفة جبن مرحي مخلط بشوية اسكلوب مرحية و مغرفة صالصة، و رقة لازنيا و فوقها مغرفة و نصف ريقوتا و فوقها مغرفة صالصة، و رقة لازنيا وفوقها الباقي متاع الجبن المرحي و الصالصة.
في الفرن 20 دقيقة.
يمكن تعويض الباثنجال بالسفنارية المرحية وطايبة والقرع بالسبناخ المرحي.
حفنة أو مغرفة سقا مقرونة ”بلومة“ أو ”Spirale“ تطيب ناقصة طياب (Al denti) – كعبة قرع أخضر و كعبة باثنجال مقصوصين مربعات و مشويين في الفرن و مفوحين بالكمون و النعناع – كعبة طماطم مقصوصة مربعات و مفوحة – جبن تستوري أو مدزريلا مقصوص مربعات – يتخلط الكل بمغرفة زيت يتحط في ماعون الفرن و نقصو فوقو كعبة زيتون و ما تبقى من الجبن. يطيب 10 دقائق في الفرن و يتاكل سخون
نجمو نعوضو القرع و الباثنجال بالبروكلو و اللوبية الخضراء او الفوقاع أو الفول الاخضر المقشر مرتين (كل فصل و خضرتو)
حسب الفصول العروش يمكن يكونو عروش بسباس او سفنارية او لفت او خبيزة.
المبدأ واحد مغرفة سقاء كسكسي و عليها 3 مغارف عروش – بصلة مقصوصة جيدة (المقادير قبل الطبخ) – مغرفة هروس او هريسة عربي بالثوم – مغرفة زيت – مغرفة حمص طايب – مغرفة طماطم معجونة.
الخضرة حسب الفصل تتقص جيدة مع البصل و اللي يحب يزيد فلفل أخضر و أحمر مقصوص جيد و تتخلط بالهريسة او الهروس و الحمص و تتفوح بالنعناع الشايح و التابل و شوية زيت و تتفور في الكسكاس على الماء.
الماء اللي تفورت عليه الخضرة يتسقى به المرقة متاع الكسكسي (طماطم و زيت و هريسة و ثوم)
الكسكسي يتفور من الاول و بعد يتسقى بالمرقة و يتخلط بالخضرة الذايبة و يتحط في صحفة تتكب في صحن باش تكون كيف القبة و معاه نجمو نقدمو 2 كعبات سردينة أو تريليا مشوية
مغرفة سقا روز مفوح بالكركم أو الزعفران أو بحب الهال ومفورة على الماء – نصف كعبة باثنجال مقصوصة مربعات - نصف كعبة قرع أخضر مقصوصة مربعات – 2 مشامم بروكلو مفرقين مشامم صغار –4 بصلات صغار كاملين – كعبة طماطم مقصوصة مربعات – فلفل أخضر مقصوص مربعات (اذا كان فما زادة فلفل أصفر) الكل مفوح بشوية كركم و مخلط بمغرفة زيت و مشوين في الفرن و بعد نزيدوهم مغرفة صغيرة خل – أبيض دجاج مقدار الكف طايب و مفتفت و مخلط مع الروز – نحطو الروز في صحفة مع مغرفة صغيرة من خليط الخضرة و نكبوه في شكل قبة و نزين باقي الخضرة في شكل دائرة حول قبة الروز. (savarin)
نجمو نعملو معاه صالصة فيها 2 مغارف ياغرت مركوضين و مرحي فيهم نصف كعبة خيار و مقصوص فيهم نعناع طري و قطرة قارص. و إذا نحبوه أحمر نعملو صالصة بالطماطم الفرشكة و شوية زيت و ثوم و حبق
Références:
Pictures Designed by Freepik.
