موس بالشكلاطة خفيفة (4 حصص)

200 غ شكلاطة كحلة 70 % كاكاو – 4 أبيض عضمة – نفة ملح. مغرفة لوز مقلي و مبشور

نذوب الشكلاطة على الماء مع التحريك

نركض أضفر العضم و نصب عليه الشكلاطة الذايبة

نخلط بالخلاط أبيض العضم مع نفة الملح حتى يولي يابس

 نزيد خليط أبيض العضم المركوض بالشوية للشكلاطة الذايبة و أصفر العضم بالمغرفة بالمغرفة و نحرك من لوطة للفوق باش ما يتكسرش العضم

نحط في كيسان نفة لوز المرحي نزيد الموس و نحط في الثلاجة على الاقل ساعتين كيف تشد روحها نحط فوقها باقي اللوز المبشور.

 اللي يحب ينجم يزين بنصف كعبة جوز أو جرة موز

 بقية الموز نعملو به بان كايك لفطور الصباح


فيرين الغلة و الشوفان

في كأس بالساق أو فيرين نحطو مغرفة رمان مخلط بقطرة زهر أو عطرشية (موش أكثر باش ما يبلش الشوفان و يولي مرخي) و فوقو مغرفة شوفان محمر – كعبة دقلة مقصوصة جيدة - مغرفة تفاح مقصوص جيد مخلط بقترة قارص باش ما يكحالش – ومغرفة قلوب قرع مهروشين أو لوز حسب الاختيار و ورقة نعناع فرشك. يتحط نصف ساعة في الثلاجة و يتكل بالشفاء.

 نجمو نبدلو الغلة حسب الفصل


كايك العدس بالشكلاطة

ذوب الشكلاطة الكحلة 70 % كاكاو (100 غ) على الماء بمغرفة صغيرة زيت.

اركض 2 عضمات مع مغرفة صغيرة سكر أو أحسن باكو سكر فانيليا، و زيد 3 مغارف كبار فرينة عدس و نصف باكو خميرة قاتو، خلط مليح و زيد في الاخير الشكلاطة الذايبة و خلط

حط في ماعون متاع كايك و الا في القراطس متاع الحلو في الفرن 20 دقيقة

تنجم تزين بكعبات لوز

فرينة العدس يمكن نعوضوها بفرينة الحمص

تنجم نخلطو 2 مغارف فرينة عدس بمغرفة لوز أو بوفريوة مرحية تجي أخف و أبن


كعابر اللوز

مغرفة لوز مرحي (يمكن اذا تحب تخلطهم بالبوفريوة المرحية) قطرات ماء ورد أو عطرشية حتى يتلم ما غير ما يتحل ½ مغرفة شوفان و ½ مغرفة شكلاطة كحلة 70 % كاكاو ذايبة على الماء.

نخلط و نعمل كعابر و نلفهم اما في لوز مبشور أو في الجلجلان نحطهم في الكسات متاع الحلو و نخليهم يشيحو.

اللي يحب ينجم يزين بنصف جوزة

للنشاط البدني


قلاص الصحي

حسب الفصل تاخذ صحفة صغيرة غلة (فراولو أو مشماش أو خوخ أو توت أو بطيخ ...) تحطها في الخلاط Mixer)) و تزيد كعبة ياغرت طبيعي و قطرة عطرشية و اذا تحب (غير ضروري) باكو سكر فانيليا.

تخلط من 5 الى 10 دقائق حسب نوع الغلة، تحط في الكيسان و تحطها 2 ساعات في المجمد (Congelateur) مع التحريك او في (Sorbetière)

Références:

Pictures Designed by Freepik.